म्याग्दी, असोज-३०, म्याग्दीको राखुमा निशुल्क आँखा शिबिर संचालन भएको छ । म्याग्दी प्रवासी नेपाली संघ मोना अष्ट्रेलियाले रघुगंगा गाउँपालिका– २ राखु भगवतीमा यही असोज २९ र ३० गते निःशुल्क आँखा शिविर संचालन गरेको हो । मोना अस्ट्रेलिया, नेत्र ज्योती संघ म्याग्दी र मोना आईसीसीको संयुक्त आयोजनामा निशुल्क आँखा शिविर संचालन गरिएको हो ।
ग्रामिण भेगका जनतालाई लक्षित गरेर आयोजना गरिएको शिविरमा निशूल्क आँखा परिक्षण, चश्मा वितरण, शिविरमा पहिचान भएका मोतियाविन्दुका विरामीको पोखरामा शल्यक्रियाको ब्यवस्था मिलाईएको छ । सेवा लिने संख्या अत्याधिक भएपछि ३० गतेसम्म शिविर संचालन गरिने शिविरका संयोजक गकुल भण्डारीले बताउनुभएको छ ।
