पर्वत, भदौ-५, गत १ महिनादेखि बेपत्ता भएकी जलजला ५ कि एक महिला अझै सम्म फेला परेकी छैनन् । पर्वतको जलजला गाउँपालिका वडा न ५ लेकफाँट की २० बर्षिया एक युवती सुजाता खड्का जिसी १ महिना देखि सम्पर्क विहिन भएकी हुन् ।
सुजाताका श्रीमान मदन जिसीका अनुसार आफु खाना खाएर आफु घाँस काट्न गएको र छोरी हेरेर श्रीमती घरमै बसेकी थिइन् घास काटेर फर्केर आउदा छोरी एक्लै देखेको र अबेर सम्म घरमा नाएपछी खोजतलास शुरु भएको हो । मदनले भने “कुनै झैँ झगडा भएको पनि होइन सामान्य अबस्थामा परिवार चलेको थियो तर अचानक यस्तो अबस्था आयो खोजीका लागी सबैतिर हार गुहार गरेका छौं तर १ महिना बितिसक्दा पनि पत्तो लाग्न सकेको छैन ।”
परिवारले खोजीका लागी जिल्ला प्रहरी कार्यालय पर्वतमा निबेदन दिएको भएपनि र हालसम्म पनि उनको अवस्था अज्ञात रहेको छ । परिवारले प्रहरी चौकी लेकफाँटमा दिएको निवदेनको आधारमा प्रहरीले खोज तलास गरेपनि हालसम्म पनि उनी सम्पर्कमा नआएको जनाएको हो ।
परिवारजनले सम्पूर्ण आफन्त इष्टमित्र लगायात सबैलाई खोजि कार्यमा सहयोग गरिदिन फेरिपनि अनुरोध गरेको छ ।
