म्याग्दी, भदौ-३, संबिधान सभा सदस्य तथा एमाले गण्डकी प्रदेश कमिटिका अध्यक्ष नबराज शर्मालाई पितृ शोक परेको छ । पोखरामा उपचार गराएर घर फर्कने क्रममा शर्माका पिता यामलाल शर्माको बिहिबार निधन भएको हो ।
केहि दिन अघि स्वास्थ्यमा समस्या देखिएपछि उहाँलाई पोखराको मणिपाल अस्पतालमा भेन्टिलेटरमा राखेर उपचार गरिएको थियो उपचार पछी बिहिबार घर ल्याउने क्रममा बाटोमा निधन भएको हो । उहाँ ८३ बर्षको हुनुहुन्थ्यो ।
हालको मालिका गाउँपालिका वडा नं ७ बिमको तत्कालिन गाविस अध्यक्ष समेत रहनुभएका शर्मा राजनीतिक तथा सामाजिक गतिविधिमा समेत सक्रिय हुनुहुन्थ्यो । स्वर्गीय शर्माको ५ छोरी र २ छोरा छन् । स्वर्गीय शर्माको विहिबार नै धार्मिक परम्परा अनुसार कालिगण्डकी नदीमा अन्तिम संस्कार गरिएको छ ।
