चामल एक किलो मै १० रुपैयाँ बढ्यो

दैनिक उपभोग्य खाद्य वस्तुहरुको मूल्यमा यो साता पनि उतारचढाव आएको छ  । सर्वसाधारणको भान्सामा जरुरी चिनी, खाने तेल र चामलको मूल्य ब्यापारीहरुले यो साता पनि बढाएका छन् । चामलको मूल्य एक किलो मै १० रुपियाँले बढेको छ ।

साताभर हरियो मौसमी तरकारीमा काउलीको मूल्यमा दोब्बर बढेको छ भने गोलभेडा, बन्दालगायतका तरकारीको मूल्य स्थिर छ । माछा र खसीको मासुको मूल्य स्थिर रह्यो भने कुखुराको मासुको मूल्य केही घटेको छ । जाडो मौसममा धेरै खोजी हुने हुनाले यो साता पनि खसीको खुट्टाको माग धान्न नसकेको मासु व्यवसायीहरु बताउँछन् । यो खबर आजको अनलाइन खबरमा उल्लेख छ ।