काठमाण्डाै, भदौ -१४, स्पेनिस क्लव बार्सिलोनाबाट फ्रान्सेली क्लब पेरिस सेन्ट जर्मेन पीएसजी पुगेका अर्जेन्टिनी फरवार्ड लियाेनल मेस्सीले नया क्लव बाट डेब्यु गरेका छन् । गएराति रिम्ससँग भएको खेलको दोस्रो हाफमा मैदान प्रवेश गर्दै मेस्सीले डेब्यु गरेका हुन् ।
खचाखच दर्शक भरिएको रिम्सको मैदानमा उनि ६६ औं मिनेटमा ३० नम्बरको जर्सीमा उनी मैदान प्रवेश गरेका हुन् । मेस्सीले आफ्नो व्यावसायिक खेल जीवनमा बार्सिलोना बाहेक अर्को टिमबाट खेलेको यो पहिलो खेल हो ।
मेस्सी खेल्ने पक्का हुनुअघि ६ हजार मात्र टिकट बिक्री भएको मैदानमा २० हजारको उपस्थिति रहेको थियो । मेस्सी नेइमारको ठाउँमा मैदान प्रवेश गरेका हुन् । मैदानमा मेस्सी आउने खबरले स्टेडियम खचाखच भरिएको थियो ।
खेलमा रिम्समाथि पीएसजीले २–० को जित निकालेको छ । दुवै गोल एम्बाप्पेले गरेका थिए ।
