विद्यालयका शिक्षकहरुद्वारा गाँउपालिकाको प्रकोप व्यवस्थापन कोषमा आर्थिक सहयोग

जलजला, बैशाख-३१, जलजलाको एक विद्यालयका शिक्षकहरुले  प्रकोप व्यवस्थापन कोषमा आर्थिक गरेका छन् । गाउँपालिकाको वडानं – २ गैराटोल स्थित समाजकल्याण प्राथमिक विद्यालयका शिक्षकहरुले सो कोषमा आर्थिक सहयोग गरेका हुन् ।

विद्यालयमा कार्यरत सम्पूर्ण शिक्षकहरुले २ दिन बराबरको  तलव ११ हजार ५ सय  रुपैयाँ  वडा नं २ का अध्यक्ष एवं जलजला गाउँपालिकाका  शिक्षा संयोजक गोबिन्द खत्रीमार्फत सो रकम हस्तान्तरण गर्नु भएको हो ।

विद्यालयका प्रधानाध्यापक डम्बरबहादुर जिसी, शिक्षक इन्द्र बहादुर बिश्वकर्मा र सोहि विद्यालयका पुर्व प्रधानाध्यापक ओम बहादुर जिसीले वडा कार्यलयमा वडाध्यक्ष खत्री मार्फत सो रकम कोषमा जम्मा गर्नु भएको विद्यालयका प्रधानाध्यापक  जिसिले बताउनुभएको छ ।