पर्बत, बैशाख-२४, पर्वतको जलजला गाउँपालिकामा १२ जना कोरोना संक्रमित पहिचान भएका छन् । म्याग्दीसंग सहज आवत-जावत हुने जलजला गाउपालिकाको मल्लाजमा पहिलो पटक धेरै संख्यामा कोरोना संक्रमित पहिचान भएका हुन् ।
संक्रमितहरु जलजला गाउपालिका वडा नं ३ र ४ का रहेका छन् । बिबाह, चौरासी पुजा, ब्रतबन्ध जस्ता धार्मिक-सांस्कृतिक क्रियाकलापमा सहभागी भएकाहरुमा कोरोना संक्रमण पुष्टि भएको छ । अधिकांस संक्रमित मध्ये धेरैजसो होम आइसोलेसनामा बसेका छन् । बिहिबार मात्रै वडा नं ३ मा एक पुरुषको होमआइसोलेसनमा ज्यान गएको छ ।
कोरोना संक्रमण तिब्ररुपमा फैलिए संगै जलजलाको मल्लाज क्षेत्रमा आवतजावतमा कडाइ गरिएको छ । म्यग्दी बेनी र पर्बत बेनी ब्यबसाय र आवासको भैरहने भएका कारण आवागमनमा कडाइ हुन सकेको छैन । दुवै क्षेत्र संक्रमणको उच्च जोखिममा छन् ।
