पर्वत, साउन -८, पर्वतको जलजला गाउँपालिका -५ लेखफाट र वडा नं ६ सालिजामा वडाबाटै सामाजिक शुरक्षा भत्ता वितरण गरिएको छ । गाउँपालिकाको ब्यबस्थापनमा वडा कार्यालय र लेखफाट प्रहरी चौकीको समन्वयमा राष्ट्रिय बाणिज्य बैंकको बेनी शाखाले वडामै पुगेर आर्थिक वर्ष २०७८/७९ को अन्तिम चौमासिक भत्ता वितरण गरेका हुन् ।
यसअघि गाउँ पालिकाले बैंक खातामा पठाउने गरेको र भत्ता बुझ्न लाभग्राहीहरु म्याग्दीको बेनीस्थित बाणिज्य बैंकको शाखामा आउने गरेका थिए । यसरी गाउँमै भत्ता बुझ्न पाउँदा लाभाग्रहीले बेनी आउने जाने समय र खर्चको समेत बचत हुनुका साथै सजिलो समेत भएकोले खुशी ब्यक्तगर्दै वडा अध्यक्षहरुलाई धन्यबाद दिएका छन् । साउन ७ गते लेखफाट र सालिजा स्थित वडा कार्यालयमा बैंकका प्रबन्धक नवराज ढुंगाना सहित कर्मचारीको टोलीले सामाजिक शुरक्षा भत्ता वितरण गरेको हो लेखफाटका १६५ जना र सालिजाका १४४ जना लाभ ग्राहीले भत्ता बुझेका छन् ।
लेखफाटका वडा अध्यक्ष तिलक बहादुर जिसी र सालिजाका वडाध्यक्ष बलबहादुर पुर्जा लगायत जनप्रतिनिधि वडा सचिव कर्मचारी र लेखफाट प्रहरी चौकीका शुरक्षाकर्मीले भत्ता बितरणमा सहजीकरण गरेका थिए ।
तस्विर : कृष्ण जिसी
