म्याग्दी, असार-३१, म्याग्दीका दिपेश पुर्जाले काठमाडौँमा संचालन भैरहेको राष्ट्रिय खेलकुद प्रतियोगितामा तेक्वान्दो तर्फ दोश्रो हुदै रजत पदक जितेका छन् । प्रदेशलाई स्वर्ण पदक दिलाउने आशा गरिएको तर सोचेजस्तो नतिजा न आएपनी खेलमा धेरै सुधार भएको प्रशिक्षक कर्ण प्रधानले बताउनुभयो ।
बेनीको न्यु वेष्ट पोइन्ट विद्यालयमा कक्षा ९ मा पढ्ने पुर्जा यो पटक सहित ३ पटक राष्ट्रिय प्रतियोगितामा समावेश भएका हुन् । राष्ट्रपति रनिंग सिल्ड प्रतियोगितामा ४८ केजी तौल समुहमा म्याग्दी जिल्लाबाट स्वर्ण पदक र गण्डकी प्रदेशमा समेत स्वर्ण पदक जित्दै राष्ट्रिय प्रतियोगिताको लागी छनोट भएका थिए ।
