जलजला, जेठ-६, पर्वतको जलजला गाउँपालिकाका अध्यक्ष र उपाध्यक्षले पदभार ग्रहण गर्नुभएको छ । शुक्रबार सपथ लिए लगतै अध्यक्ष राजु आचार्यले पदभार ग्रहण गर्नुभएको हो ।
मुख्य निर्वाचन अधिकृतबाट सपद लिएका आचार्यले पदभार ग्रहण गरेसंगै उपाध्यक्ष र नगर सभाका सदस्यहरुलाई पनि सपथ गराउनुभएको थियो । अध्यक्ष आचार्यले सपथ गराएसंगै उपाध्यक्ष दिपक आचार्यले पनि शुक्रबार नै पदभार ग्रहण गर्नुभएको छ ।
अध्यक्ष आचार्य नेपाली कांग्रेसबाट निर्वाचित हुनुभएको हो भने उपाध्यक्ष आचार्य माओवादी केन्द्रबाट निर्वाचित हुनुहुन्छ । पदभार ग्रहण कार्यक्रममा प्रमुख प्रशासकीय अधिकृत राजेन्द्रबहादुर क्षेत्रीले अध्यक्ष र उपाध्यक्षलाई कार्यालयमा स्वागत गर्नु भएको थियो । त्यसैगरी नव निर्वाचित वडा अध्यक्षहरुले सपथ ग्रहण गर्दै पदभार ग्रहण गरेका छन् ।
पदभार ग्रहण पछि अध्यक्ष आचार्यले जलजला गाउँपालिकालाई सम्बृद्ध बनाउन आफूले विशेष प्रयास र पहल गर्ने प्रतिबद्धता ब्यक्त गर्नुभएको छ ।
