बेनी, माघ-५, बेनिनागरपालिकाले कोरोनाको संक्रमण बढ्न थालेपछि नगरपालिका भित्रका विद्यालयहरु माघ १५ गते सम्म बन्दगर्ने निर्णय गरेको छ । बुधबार बसेको बैठकले कोरोना संक्रमणको जोखिमलाई मध्यनजर गरी बिहिबारदेखि विद्यालय बन्द गर्ने निर्णय गरेको हो ।
नगरपालिका भित्रका विद्यालयका विद्यार्थीहरुमा कोरोना संक्रमण देखिन थालेपछि संक्रमणको चेन ब्रेकगर्न भौतिक उपस्थितिमा पठन पाठन रोक्ने निर्णय गरेको प्रमुख प्रशासकीय अधिकृत धोलकराज ढकालले जानाकारी दिनुभयो ।
यसैबीच जारी कोरोना खोप अभियानलाई निरन्तरता दिने, छुटेका र दोश्रो डोज लगाउन बाँकी रहेकालाई समेत खोप अभियानमा सहभागी हुन सुचना जारी गरिएको छ। विद्बयालय बन्द रहेपनि बालबच्चालाइ स्वास्थ्य मापदण्ड पालना गराउन र जोखिमबाट टाढा राख्न अभिभावकलाई समेत अनुरोध गरिएको छ ।
आजको बैठकमा नगरप्रमुख हरिकुमार श्रेष्ठ, उपमेयर संजु बरुवाल, वडाध्यक्षहरु सहित सरोवारकाला निकायका प्रमुख तथा प्रतिनिधिहरुको उपस्थिति रहेको थियो ।
