बागलुङ, पुष-२३, बाग्लुङ्गको एकजना कृषकको खोरमा चितुवाले ९ वटा बाख्रा मारेको छ । जिल्लाको ताराखोला गाउँपालिका वडा नं -१ सिरुवारी बाख्रा फार्ममा चितुवा पसेर आक्रमण गर्दा ९ वटा बाख्रा मरेका हुन् ।
ताराखोला गाउँपालिका वडा नं -१ सिरुवारी बस्ने ४० वर्षीय यम बहादुर रानाले संचालन गरेको ‘राना बाख्रा फार्म’मा बिहीबार राति अन्दाजी २ बजेको समयमा चितुवा पसेर आक्रमण गर्दा ३१ वटा बाख्रा मध्ये ८ वटा बाख्रा र एउटा बोका मरेको प्रदेश प्रहरी कार्यालय पोखराले जनाएको छ।
प्रहरीका अनुसार घटनाको सूचना पश्चात फार्ममा पुगेको प्रहरीको टोलीले क्षतिको मुचुल्का उठाई थप अनुसन्धान गरिरहेको जनाएको छ।
