पर्वतको फलेबासमा चोरीको अनौठो घटना : चाबी मिलाएर साढे तीन लाख नगद सहित सुन चोरी

पर्वत, मङ्सिर-१६, पर्वतको फलेवासमा अनौठो चोरीको घटना भएको छ । फलेबास नगरपालिका–३ शंकरपोखरी स्थित रुग्दीमा बिहीबार राती एक घरमा नगद र सुन चोरी भएको हो ।
स्थानीय गोविन्द रेग्मीको घरबाट रातीको समयमा साढे तीन लाख रुपैयाँ नगद र करिब एक तोला तौल रहेका दुई वटा सुनका औँठी चोरी भएको हो । रातीको ११ बजेसम्म परिवारका सदस्य नसुतेका र त्यसपछिको समयमा करिब एक दुई बजेतिर चोरी भएको हुन सक्ने रेग्मीले बताए ।
ढोकाको चुकुल फुस्काएर कोठामा रहेको बक्स नफुटाई चावी मिलाएर लगेको जस्तो अवस्थामा बक्सको अवस्था देखिएको उनको भनाई छ। केहि महिना अघि पर्वतका धेरै क्षेत्रमा चोरी र लुटपाट धेरै भएको र यस घटनाले फेरी शसंकित बनाएको स्थानीयको भनाइ रहेको छ । न्युज डबलीको सहयोगमा