पर्वतको जलजलामा मंसिर ७ र ८गते कोरोना विरुद्दको खोप लगाइने

पर्वत, मंसिर-३, पर्वत जिल्लामा १८ वर्ष भन्दा माथिका सबै नागरिकलाई कोरोना विरुद्दको खोप लगाउन शुरु गरिएको छ । जिल्लाका सातवटै स्थानीय तहका १८ देखि ४५ वर्षका सबै नागरिकलाई खोप लगाउने अभियान शुरु गरिएको हो । अहिले कात्तिक ३० गते देखि नै १८ देखि ४५ वर्ष समुहका सबै नागरिकलाई भेरोसेल खोप लगाउन शुरु गरिएको स्वास्थ्य कार्यालय पर्वतले जनाएको छ ।

कार्यालयका अनुसार कात्तिक ३० देखि मंगसिर १ गते सम्म महाशिलामा, मंसिर २ र ३ गते फलेवास नगरपालिका, पैयु गाउपालिका र र बिहादी गाउपालिकामा संचालन गरिएको छ ।

कुस्मा नगरपालिका र मोदी गाउँपालिकामा मंसिर ५ र ६ गते संचालन हुनेछ भने उत्तरी पर्वतको जलजलामा मंसिर ७ र ८ गते लगाउने कार्यक्रम रहेको छ ।

यो उमेर समुहका नागरिकलाई खोप लगाउन पर्वतमा ३५ हजार ८ सय डोज भेरोसेल खोप र  आएको छ ।अहिलेलाइ यो डोज पहिलो रहेको र एक महिना पछी अर्को डोज दिइने स्वास्थ्य कार्यालय पर्वतका खोप शाखा प्रमुख जयन्द्र गुरुंगले बताउनु भयो ।  उहाँका अनुसार खोप अभियान सबै पालिकाका सवै स्वास्थ्य चौकी मार्फत संचालन गरिएको छ ।

पर्वतमा अहिले सम्म ४७ हजार १ सय ४६ जनाले खोप लगाइसकेको स्वास्थ्य कार्यालय पर्वतले जनाएको छ ।

जलजलामा खोप लगाइने तालिका