जलजला २का पूर्ण बहादुर बरुवालद्वारा जन्मदिनको अवसरमा विद्यालयलाई प्रोजेक्टर प्रदान

जलजला, कार्तिक-२८, जलजला २ का एक युवाले आफ्नो  जन्मदिनमा विद्यालयलाई सहयोग गर्नु भएको छ । जलजला २ स्थित  समाजकल्याण प्राथमिक बिद्यालयलाइ  जन्मदिनको अवसर पारेर जलजला २ भिमपाइला निवासी पूर्ण बहादुर बरुवालले एक थान प्रोजेक्टर र सहयोग गर्नु भएको हो ।

जन्मदिनको अवसरमा फजुल खर्च गरेर भन्दा यसरी रचनात्मक कार्य गर्दा आफुलाई खुसि लागेको उहाँले बताउनुभयो । अहिले विद्यालयलाई प्रबिधी मैत्री बनाउदै लैजाने क्रम छ, समुदायको विद्यालयलाई समुदायकै व्यक्तिले सहयोग गर्दै जानेहो भने नमुना र उत्कृष्ट विद्यालय बनाउन सकिने उहाँले बताउनु भएको छ । समुदायको विद्यालयालाई समुदायका व्यक्तिले चासो दिने हो भने विद्यालयको स्तर माथि उठाउन सकिने उहाँले बताउनुभयो ।

प्रबिधि मैत्री विद्यालय बनाउन बरुवालले गरेको सहयोग प्रति प्रधानाध्यापक डमर बहादुर जिसीले खुसि व्यक्त गर्दै उहालाई विद्यालयको तर्फबाट जन्मदिनको अवासरमा शुभकामना समेत ब्यक्त गरिएको थियो । विद्यालयको प्रार्थना सभामा बरुवालले उक्त सामाग्री विद्यालयलाई हस्तान्तरण गर्नु भएको थियो ।  जलजला तरुण दलको सचिव समेत रहनुभएका युवा सामाजिक कार्यमा सक्रिय रहदै आउनुभएको छ ।