जलजला, कार्तिक-१०, नेकपा एमाले पर्वतको दुई वटा पालिकामा सर्वसम्मत नेतृत्व चयन भएको छ । एमालेको जलजला गाउँपालिकामा लालबहादुर अधिकारी र पैंयु गाउँपालिकामा चोकलाल न्यौपानेको नेतृत्वमा सर्बसम्मत रुपमा नेतृत्व चयन भएको हो ।
जलजला गाउँपालिकाको अध्यक्षमा लालबहादुर अधिकारी, उपाध्यक्षमा बाबुराम कार्की, सचिबमा महेन्द्र रेग्मी र उपसचिबमा बिकास गिरी तथा निलकठ सुबेदी निर्वाचित हुनुभएको छ । फलेबास नगरपालिकामा अधिबेशन शुरु भएपनि प्रतिनिधी बिबादका कारण स्थगित हुन पुगेको छ । फलेबास नगरपालिका वडा नं ५ खानीगाउँमा दोहोरो प्रतिनिधी सिफारिस भएपछि त्यसकै बिबादका कारण अधिबेशन उद्घाटन पछि स्थगित भएको छ । कुस्मा नगरपालिका र मोदी गाउँपालिकामा बिहीबार अधिबेशन हुँदैछ भने बिहादीमा शनिबार र महाशिलामा सोमबार हुने बताइएको छ ।
