म्याग्दी, असोज-१६, शनिबार बिहान देखि परेको अविरल बर्षाका कारण बेनी दरबंग सडक खण्ड फेरी अबरुद्द भएको छ । शनिबार बिहान ९. २० बजे मालिका गाउँ पालिका वडा नम्बर ६ स्थित बांगे पहिरो नजिकै सडक अबरुद्द भएको हो ।
सडक माथिबाट लेदोमाटो र ग्रेगर सहितको पहिरो खस्दा सडक पूर्ण रुपमा अबरुद्द भएको जिल्ला प्रहरी कार्यालय म्याग्दीले जनाएको छ । अहिले सो स्थानमा प्रहरीको टोली खटिई स्थानीय सरोकारवाला निकाय संग समन्वय गरि सडक खुलाउने प्रयास भैरहेको जिल्ला प्रहरी कार्यालय म्याग्दीका सुचनाधिकारी प्रहरी निरिक्षक बिरेन्द्रराज गुरुंगले बताउनुभएको छ ।
मौसम विभागले मनसुन अन्त्य हुनुपर्ने बेलामा केहि दिन अझै सक्रिय रहने देखिएको र देशैभरी भारी देखि मध्यम वर्षाको सम्भावना रहेकोले सतर्कता अपनाउन समेत अनुरोध गरेको छ ।
