काठमाडौं, असोज-१३, भ्वाइस अफ नेपाल सिजन–३ का विजेता किरण गजमेरलाई विमानस्थलबाटै फर्काइएको छ । एक प्रवेशाज्ञा (भिसा)मा बस्न पाउने समय किरणले नेपालमा बिताइसकेकाले उनलाई फकाईएको अध्यागमन विभागले जनाएको छ ।
उनि अमेरिकाबाट कतार एयरवेजमार्फत गएको सोमबार नेपाल आएका थिए तर अध्यागमन विभागले त्रिभुवन अन्तर्राष्ट्रिय विमानस्थलबाटै फर्काइदिएको हो ।सन् २०२२ मा भने उनी पुनः नेपाल आउन र बस्न सक्ने अध्यागमन विभागले जनाएको छ ।
एक प्रवेशाज्ञामा १८० दिन मात्रै नेपाल बस्न पाइन्छ । उनले सन् २०२१ मा अब नेपाल प्रवेश पाउने छैनन् । भ्वाइस अफ नेपालमा प्रतिस्पर्धाका क्रममा उनी लामो समय नेपाल बसेका थिए ।
भुटानबाट शरणार्थीका रूपमा नेपाल आएका किरण केही वर्षयता अमेरिकामा बस्दै आएका छन् । तेस्रो मुलुक पुनर्वासका क्रममा उनी अमेरिका पुगेका हुन् । किरण अमेरिकी नागरिक हुन् ।
