म्याग्दी, साउन-२५, म्याग्दीमा किशोरी बलात्कारको आरोपमा एक जना पक्राउ परेका छन् । बेनी नगरपालिका– ५, पुलाचौर स्थित फरक मानसिक अवस्थाकी १६ बर्षिया किशोरीलाई जबरजस्ती करणी गरेको अभियोगमा सोही गाउँका २० बर्षिया मोहन छिनाललाई आइतबार जिल्ला प्रहरी कार्यालय म्याग्दीले पक्राउ गरेको छ ।
जन्मजात फरक मानसिकता भएकी किशोरीलाई गएको फागुन २१ गते बिहान ६ बजेको समयमा ललाई फकाई करणी गरेका थिए । प्रहरीका अनुसार पीडित किशोरीको स्वास्थ्य परिक्षण गर्दा पेटमा गर्भ रहेको पुष्टि भएको छ ।
जबरजस्ती करणी गरि गर्भवती बनाउने छिनाललाई जिल्ला अदालत म्याग्दीबाट दश दिनको म्याद थप गरी अनुसन्धान भइरहेको प्रहरीले जनाएको छ ।
