म्याग्दी, साउन-१५, म्याग्दीको ताकममा बोलेरो जिप दुर्घटना भएको छ। धवलागिरी गाउँ पालिका ७ ताकम धारापानीको बाघराज थान देखि उपल्लो घुम्तीमा दुर्घटना भएको हो। ताकम देखि दरबाङ हुदै बेनीतर्फ आउदै गरेको ग १ ज ६८०५ नम्बरको बोलेरो पिकअप जिप बादिकाको भिरबाट खसेको हो ।
दुर्घटनामा एक जनाको घटना स्थलमै मृत्यु भएको छ दुर्घटनामा धवलागिरी गाउँपालिका–७ ताकमका २७ वर्षीय बिकास सुनारको मृत्यु भएको जिल्ला प्रहरी कार्यालयका प्रहरी नायब उपरीक्षक श्यामकुमार राईले बताउनुभयो । दुर्घटनामा ८ जना घाइते भएका छन।
चालक आकाश रसाइलीको निधार र घाटीमा चोट लागेको छ । दरबाङ प्राथमिक स्वास्थ्य केन्द्रमा उपचार गरेका अन्य यात्रुको स्वास्थ्य अवस्था खतरामुक्त र सामान्य छ ।
