लमजुंग, साउन-४, लमजुङमा करेन्ट लगेर एक बालिकाको ज्यान गएको छ । आफ्नै घरमा टिभी खोल्ने क्रममा करेन्ट लागेर राइनास नगरपालिका–७ सालफेदीकी सृष्टि पाण्डेको बिहान ८ः३५ बजे ज्रायान गएको हो । सालफेदीकी राकेश पाण्डेकी आठ वर्षीया छोरी टिभी खोल्ने क्रममा सृष्टिले सेटअप बक्समा छुन पुग्दा करेन्ट लागेर मृत्यु भएको जिल्ला प्रहरी कार्यालयका प्रहरी निरीक्षक जगदीश रेग्मीले बताउनुभयो ।
उहाँले भन्नुभयो, “बक्समा तार सर्ट भएको र हाई भोल्टेजका कारण करेन्ट लागेर मृत्यु भयो ।” बालिकालाई उपचारका लागि तत्काल सोही वडामा रहेको सहोदर सामुदायिक अस्पतालमा उपचार गर्न लगे पनि चिकित्सकले मृतक घोषणा गरेको प्रहरी निरीक्षक रेग्मीले बताउनुभयो ।
