पर्बत, असार २१, पर्बतको जलजलामा शिक्षकलाई ल्यापटप वितरण गरिएको छ । जलजला गाउँपालिका अन्तर्गतका १-५ कक्षा सम्मका बिद्यालयहरुलाई ल्यापटप बितरण गरेको हो । विद्यालयका प्रधानाध्यापक तथा शिक्षक प्रतिनिधिहरुमार्फत ल्यापटप वितरण गरिएको हो ।
जलजला गाउँपालिकाका अध्यक्ष यामबहादुर मल्ल (रामकृष्ण) सामाजिक बिकास समितिका संयोजक तथा वडा नम्बर २ क अध्यक्ष गोबिन्द खत्री र प्रमुख प्रशासकीय अधिकृत अर्जुन शर्माले एक कार्यक्रमका बीच विद्यालयका प्रधानाध्यापक तथा शिक्षकहरुलाई ल्यापटप वितरण गर्नुभएको हो ।
गाउँपालिकाको केन्द्र लामाखेतमा बाल सहयोगी कार्यकर्ता, विद्यालय कर्मचारी तथा विद्यालय सहयोगीहरु संग अन्तरक्रिया कार्यक्रम समेत सम्पन्न भएको छ ।
शसर्त अनुदानको सुचना प्रविधि सम्बन्धि कार्यक्रमले समेट्न नसकेका १-५ तहका आधारभूत विद्यालयको प्रशाशनिक कार्यलाई सहज र प्रविधिमैत्री बनाउन तथा सिकाइ क्रियाकलापमा प्रविधिको प्रयोगका लागी पालिकाको श्रोतबाट बजेट ब्यबस्थापन गरेर ल्यापटप उपलब्ध गराइएको गाउपालिकाकाले जनाएको छ ।
सामाजिक विकास समितिका संयोजक खत्रीले १- ३ तहका विद्यालयलाई आगामी वर्ष ल्यापटप उपलब्ध गराउने इन्टरनेट जडान गर्न सवै विद्यालयमा १२ हजार रुपैयाका दरले निकासा गरिएको र अहिले ल्यापटप दिएका विद्यालयलाई अर्को वर्ष प्रिन्टर वितरण गर्ने कार्यक्रम रहेको बताउनुभयो हो ।
