पर्वत, असार-११, पर्वतमा मोटरसाइकलबाट खसेर एक युवकको ज्यान गएको छ । पर्वतको कुश्मा नगरपालिका–७ खरेहामा मोटरसाइकलबाट खसेर मोदी गाउँपालिका–५ बाजुङका १७ वर्षीय अर्जुन कुँवरको मृत्यु भएको हो ।
मोदीबाट कुश्मातर्फ आउँदै गरेको ग२०प २३०५ नंको मोटरसाइकल खरेहामा आइपुग्दा डिभाइडरमा बिहीबार ठोक्किँदा पछिल्लो सिटबाट खसेका कुँवर गम्भीर घाइते भएका थिए । उपचारका क्रममा आज बिहान गण्डकी अस्पताल पोखरामा मृत्यु भएको जिल्ला प्रहरी कार्यालयका प्रहरी निरीक्षक राजेन्द्र अधिकारीले जानकारी दिनु भएको छ ।
