पर्वत, जेठ-३१, प्रेसर कुकर पड्किएर बागलुङमा एक बालक गम्भीर घाइते भएका छन्। सोमबार जिल्लाको जैमिनी नगरपालिका वडा नं -८ स्थित केवरेमा एक बालक घाइते भएका हुन् । केवरेका खेम बहादुर पुनको ९ वर्षीय छोरा शिब बहादुर पुन गम्भीर घाइते भएको प्रहरी नायव उपरीक्षक श्यामु अर्यालले जानकारी दिनु भएको छ ।
अर्यालका अनुसार बालक आफैले खाना पकाउने क्रममा प्रेसर कुकर पड्किएको हो । उनको घाँटीमा चोट लागेको छ । हाल उनको धौलागिरी अस्पतालमा उपचार भइरहेको छ।
