पर्वत, जेठ-२२, किशोरी बलात्कारको आरोपमा रोल्पामा एक इन्जिनियर पक्राउ परेका छन । रोल्पाको रुन्टिगढी गाउँपालिकामा किशोरीलाई जबर्जस्ती करणीको प्रयास गरेको आरोपमा उनि पक्राउ परेका हुन् । गाउँपालिकाको होलेरीमा २० वर्षीया किशोरीलाई जबर्जस्ती गरेको आरोपमा ३६ वर्षीय इन्जिनीयर शेषमणि पौडेल पक्राउ परेका हुन् । किशोरी कोरोना पोजेटिभ भै होम आइसोलेसनामा बसेकी थिइन् ।
गाउँपालिका कार्यालयमा कार्यरत इन्जिनीयर पौडेललाई सार्वजनिक धारामा नुहाउँदै गरेको अवस्थामा संवेदनशील अङ्गमा सुमसुम्याउँदै जबर्जस्ती करणी गर्न खोजेको भन्ने पीडित किशोरीको जाहेरीको आधारमा पक्राउ गरिएको पक्राउ गरिएको जिल्ला प्रहरी कार्यालयका प्रहरी प्रमुख नवराज सुवेदीले जानकारी दिएका छन् ।
सार्वजनिक जवाफदेही पद धारण गरेको व्यक्तिले किशोरीमाथि त्यस्तो हर्कत गर्नु अत्यन्तै जघन्य अपराध भएकाले प्रहरीले अत्यन्तै संंवेदनशील भई कानूनबमोजिम कारबाही प्रक्रिया अगाडि बढाएको जनाएको छ । “पक्राउपछि इलाका प्रहरी कार्यालय होलेरीको हिरासतमा रहेका पौडेललाई जबर्जस्ती करणी उद्योगअन्तर्गत मुद्दा चलाएर थप अनुसन्धान थालिएको छ”, सुवेदीले भने ।
एकान्त स्थानमा रहेको धारामा नुहाइरहेकी किशोरीलाई बोतलमा पानी भर्ने बहानामा त्यहाँ पुगेका पौडेलले करणी प्रयास गरेको जाहेरीमा उल्लेख गरिएको छ ।
