डिसी, बैशाख-२७, अमेरिकाको मेरिल्याण्ड राज्यको बाल्टिमोरमा भएको अन्धाधुन्ध गोली प्रहार भएको छ गोलि प्रहारमा परी एक नेपाली सहित ४ जनाको ज्यान गएको छ । स्थानीय समय अनुसार शनिबार बिहान साढे ६ बजे बाल्टिमोमा भएको गोलीकाण्डमा संखुवासभा खादवारी न.पा. ६, तल्लो पांठा निवासी करिब २५ वर्षीय सागर घिमिरेको ज्यान गएको हो । उनी छात्रवृतिमा अध्ययनको लागि अमेरिका पुगेका थिए ।
विश्वविद्यालयले विभिन्न विधामा दिने स्वर्णपदक विजेता घिमिरे हुन्साउथ क्यारोलाइनाबाट स्नातक तहको दीक्षान्त सकेर एक साता अघि मात्रै बाल्टिमोर पुगेका थिए । केही समय बाल्टीमोरमा नै काम गरेर नेपाल फर्किने तयारीमा रहेका उनको गोली काण्डमा परी ज्यान गएको हो ।
घटनाको १० मिनेटमा प्रहरी घटनास्थलमा पुग्दा ५६ वर्षीय एभर्टनले अन्धाधुन्ध गोली चलाइरहेका थिए । प्रहरीले चलाएको गोलीबाट एभर्टनको पनि घटनास्थलमा नै मृत्यु भयो । उक्त घटनाको नेपाली दूतावासले खेद प्रकट गरेको छ ।
