जलजला, बैशाख-२१, जलजला गाँउपालिकामा ३ जनालाई कोरोना संक्रमण पुष्टि भएको छ । आज गरिएको एन्टिजेन परिक्षणमा ३ जनालाई कोरोंना संक्रमण पुष्टि भएको हो । एन्टीजेन किटको प्रयोग गरी गरिने कोरोना परिक्षण टेष्टको विश्वसनीयता पिसिआर सरह हुने चिकित्सकको भनाइ छ ।
जलजला वडा न ४ हटीयामा कोरोना संग मिल्दो जुल्दो लक्षण देखिएका ४ जनाको एन्टीजेन परिक्षण गर्दा ३ जनामा पोजिटिभ देखिएको हो । नयाँ भेरिएन्टको कोरोना तिब्र रुपमा फैलिई रहेको अवस्थामा यसबाट बच्न स्वास्थ्यका मापदण्ड पालना गर्न र उच्च मनोबलका साथ् रहन पालिकाले अनुरोध समेत गरेको छ ।
रोग प्रतिरोधात्मक क्षमता बढाउने खाना खाने नियमित ब्यायाम, योगाभ्यासले शरीरलाई फाइदा गर्ने र यस्तो अवस्थामा मनोबल कमजोर बनाउन नहुने कुरा कोरोना जितेका व्यक्तिको अनुभव छ ।
