गण्डकी/पोखरा, बैसाख-६, गण्डकी प्रदेश सरकारले चैते दशैंको अवसरमा सार्वजनिक बिदा दिएको छ । मन्त्रिपरिषद्को २०७७ चैत १७ गतेको बैठकले चैते दशैंको अवसरमा वैशाख ७ गते बिदा दिने निर्णय गरेको हो । प्रदेश राजपत्रमा उल्लेख भएअनुसार बिदा दिने निर्णय भएको आन्तरिक मामिला तथा कानुन मन्त्रालयका सचिव केदारनाथ शर्माले उल्लेख गर्नुभएको छ ।
चैते दशैंसँगै प्रदेश सरकारले २०७८ सालमा थप ५ दिन चाडपर्व पारेर बिदा दिने निर्णय गरेको हो । इदुल फित्र पर्ने दिन इद, पुस १५ गते तमु ल्होसार, माघ १९ गते सोनाम ल्होसार र फागुन १९ गते ग्याब्लो ल्होसारमा बिदा दिने निर्णय भएको हो ।
