चैत १९, बालिका बलात्कार गरेको आरोपमा बाग्लुंगमा ८० वर्षीय वृद्द पक्राउ परेका छन । अपांग बालिकालाई बलात्कार गरेको आरोपमा जिल्ला प्रहरी कार्यालय बागलुङले काठेखोला गाउँपालिका वडा नं. १ पालाका ८० बर्षिय वृद्धलाई पक्राउ गरेको हो । वृद्ध भएकोले बलात्कार गर्नेको पनि नाम नखुलाइएको प्रहरीले जनाएको छ ।
मानसिक समस्या भएकी ती बालिकालाई खुला चौरमै बलात्कार गरेको स्थानीयले देखेको भन्दै स्थानीयले प्रहरीमा खवर गरेका थिए । घटना चैत १२ गतेको भएपनि उजुरी भने बुधवार मात्रै परेको प्रहरी नायव उपरिक्षक इकवाल हवारीले बताए।
बुधबार दिउँसो मात्रै स्थानीयको खबरपछि प्रहरीले आरोपित वृद्दलाई पक्राउ गरेर ल्याएको हो । घटना पीडित बालिकाको धौलागिरी अस्पतालमा स्वास्थ्य परीक्षण गरिसकिएको छ । ८० वर्षका व्यक्तिले गरेको यस्तो समाजमा कोहि कसैबाट शुरक्षित छैनन् भन्ने चरितार्थ भएको छ ।
