चैत्र १९, बाग्लुंगमा बम बनाउने क्रममा विस्फोट भएको छ । बडिगाडमा माछा मार्ने बम बनाउने क्रममा विस्फोट भइ दुई जना घाइते भएका हुन् ।
बडिगाड गाउँपालिका–२ सिमलचौरमा २८ वर्षीय अरुण कुमार पुनले माछा मार्ने बम बनाउने क्रममा विस्फोट भएको जिल्ला प्रहरी कार्यालय बागलुङका सूचना अधिकारी इकबाल हवारीले जानकारी दिनु भएको छ ।
विस्फोटमा मित्र राना र अरुण कुमार पुन घाइते भएका छन् । उनीहरूको टाउको र खुट्टामा गम्भीर चोट लागेको सूचना अधिकारी हवारीले बताउनुभयो । घाइते दुवै जनालाई उपचारको लागि पाल्पा स्थित प्रभास अस्पताल पठाइएको छ ।
