चैत १४, नेकपा एमालेका वरिष्ठ नेता माधवकुमार नेपालले आफूलाई घोक्र्याएर एमाले पार्टीमा फर्काइएको टिप्पणी गर्नु भयो । उहाँले नेपाली काँग्रेस र जसपाको दया र कृपा रहुञ्जेल ओली सरकार टिकिरहने तर्क गर्नु भयो ।
काठमाडौंमा बृहत नागरिक आन्दोलनले आयोजना गरेको अन्तरक्रिया कार्यक्रममा कार्यक्रममा बोल्दै एमालेका वरिष्ठ नेता नेपालले आफूलाई घोक्रयाएर पार्टीमा फर्काइएको टिप्पणी गर्नु भएको हो ।
नेकपा खारेज गर्ने सर्वोच्च अदालतको फागुन २३ गतेको निर्णयलाई संकेत गर्दै नेता नेपालले आफूलाई प्रतिगमनकारी केपी ओलीकै पार्टीमा जान बाध्य पारिएको र त्यहाँ बस्न अप्ठ्यारो लागिरहेको उहाँको भनाइ थियो ।
