पर्वत मल्लाजमा मंगलबार भिरबाट खसेर एक युवकको मृत्यु भएको छ । पर्वत जलजला गाउँपालिका-३ वारीबेनी निवासी कुमार परियारका छोरा १८ वर्षीय असल परियारको भिरबार खसेर मृत्यु भएको हो ।
फागुन २७ गते घरबाट मल्लाज जानेक्रममा बेपत्ता भएका परियारको मंगलबार दिउसो १२.०० बजे मल्लाजस्थित ठूलो सल्लेरी सामुदायिक वनको सानो भिरमूनीको रुखको जरामा अड्किएको अवस्थमा शव फेला परेको हो ।
उनि बिध्या ज्योती माध्यमिक विद्यालयमा कक्षा १० मा अध्ययन गर्ने विद्यार्थी हुन् । हत्या हो या दुर्घटना हो भन्ने बिषयमा प्रहरी अनुसन्धान भइरहेको गण्डकी प्रदेश प्रहरी कार्यालय पोखराले जनाएको छ । जिल्ला अस्पताल कुश्मामा पोष्ट मार्टम गरेपश्चात उनको शवलाई बुधबार कालीगण्डकी नदीमा दाहासंस्कार गरिएको छ ।
