बागलुङ, भदौ-२८, बागलुङमा सरकारी सवारी साधन दुर्घटना हुँदा तीन जनाको मृत्यु भएको छ । एक जना गम्भिर घाईते भएका छन् । मध्येपहाडी लोकमार्ग अन्तरगत जिल्लाको गलकोट नगरपालिका–२ नरेठाँटीको भुंखानीमा सरकारी नम्बर प्लेटको बुलेरो जीप दुर्घटना भएको हो । दुर्घटना स्थलमा दुई जना महिला र एक जना पुरुषको शव भेटिएको हो । अर्का एक पुरुष गम्भिर घाईते अबस्थामा फेला परेका छन् । उनीहरु कसैको पनि पहिचान खुलेको छैन् ।
जीप सडकदेखि झण्डै सात सयम मिटर तल खसेको छ । जीपमा सवार अन्य यात्रु समेत हुनसक्ने भएकाले खोजी भैरहेको प्रहरी नायव उपरीक्षक बिजय यादवले बताउनुभयो । घटनाको बिषयमा थप जानकारी आउन बाँकी छ ।
दुर्घटना कतिबेला भएको भन्ने समेत खुलेको छैन् । शुक्रबार बिहान दुदीलाभाटीका प्रेम बहादुर कार्कीले घाँस काट्न जाने बेला दुर्घना ग्रस्त जीप र शव देखेपछि प्रहरीलाई खवर गर्नुभएको थियो । ढोरपाटन न्युजबाट
