२१ फागुन । नेत्रविक्रम चन्द (विप्लव) काठमाडौं उपत्यका पुग्नु भएको छ । आज बिहान निजी गाडी चढेर नवलपरासीबाट प्रस्थान गरे पछी केहीबेर अगाडि काठमाडौं भित्रिनु भएको हो । सुरक्षा स्रोतका अनुसार उहाँ नागढुंगा नाकाबाट काठमाडौं प्रवेश गर्नु भएको हो ।
दिउँसो दुई बजे राष्ट्रिय सभागृहमा आयोजना हुने विशेष समारोहलाई प्रधानमन्त्री केपी शर्मा ओली र विप्लवले सम्बोधन गर्दै हुनुहुन्छ । सो समारोहमा शान्ति प्रक्रियामा आउने लगायतका विस्तृत सम्झौतामा दुवैले हस्ताक्षर गर्नुहुने कार्यक्रम रहेको छ ।
समारोहमा सहभागी हुन विप्लव काठमाडौं जान लागेको सूचना पाएपछि प्रहरीले चितवनबाट स्कर्टिंग गरेको थियो । उहाँ शुक्रबार बिहानै नवलपरासीबाट काठमाडौंका लागि प्रस्थान गर्नु भएको हो ।
