बेनी, भदौ-३०, संचारिका समूह नेपाल नेपाल जिल्ला शाखा म्याग्दीले प्रथम अधिनेशन सम्पन्न गरेको छ । आज (शनिबार) बेनीमा सम्पन्न प्रथम अधिबेशनले देबी जिसीको अध्यक्षतामा १३ सदस्यीय कार्यसमिति सर्वसम्मत चयन गरेको हो ।
समितिको उपाध्यक्षमा पवित्रा खत्री, सचिवमा बिष्णु गौतम शर्मा, कोषाध्यक्षमा मनु थापा मगर, सहसचिवमा कल्पना खड्का सर्वसम्मत हुनु भएको छ । त्यसैगरी सदस्यहरुमा सुनिता केसी, सुमित्रा थजाली, सुमित्रा क्षेत्री खत्री, तेजकुमारी बानिया, ज्ञानु बानिया क्षेत्री खत्री, धनमाया श्रेष्ठ जानुका अधिकारी र स्वेच्छा बानिया जिसी रहनु भएको छ ।
अधिबेशनको उद्घाटन गर्नुहुदै प्रमुख अतिथि गण्डकी प्रदेशका माननीय बिमला गौचनले नेपालमा पत्रकारहरु पलायन हुदै गएको अबस्थामा यसरी पत्रकार महिलाहरु सक्रिय भएर उठ्नु भनेको अत्यन्तै गौरवको कुरा भएको बताउनु भयो ।
कार्यक्रममा विशेष अतिथि बेनी नगरपालिकाका उप प्रमुख ज्योति लामिछानेले पत्रकारिताको इतिहासलाई केलाउदै शुरुवातमा महिलालाई निश्चित बिषय शृंगार र खाद्य सामग्रीको मात्रै रिपोर्टिंग र समाचार लेख्ने दायरा तोकिएको अबस्थामा अहिले यसरी पत्रकार महिला सक्रिय भएर महिलाका मुद्दा उठाउने अबस्थामा आइपुगेको र म्याग्दीमा अझै धेरै महिलालाई पत्रकारिताको क्षेत्रमा समाहित गर्न पहल गर्नु पर्ने बताउनु भयो ।
पत्रकार महासंघ म्याग्दीका अध्यक्ष प्रकाश पौडेलले संचारिका समुहलाई क्षमता बिकास गर्न र महिलाका मुद्दाहरु उठानगर्न लेख्न र रिपोर्टिंग गर्नका लागी संस्थागत सहयोग र सहकार्य गरिने बताउनुभयो । कार्यक्रममा, गैह्र सरकारी संस्था महासंघका अध्यक्ष दीपक पौडेल, संचारिका समूह नेपाल पर्बतका अध्यक्ष बिष्णु गौतम, जिल्ला मालपोत कार्यालय म्याग्दीका कार्यालय प्रमुख साधना कुमारी श्रेष्ठ, बेनी नगरपालिकाका पुर्व उप प्रमुख सज्नु बरुवाल लगायतले मन्तब्य ब्यक्त गर्नु भएको थियो ।
अधिबेशनको अबसरमा समुहले म्याग्दीमा लामो समय सम्म पत्रकारिता क्षेत्रमा लागेर अहिलेसम्म पनि निरन्तर लेखन र अनुसन्धानको कार्यमा लागिरहनुभएकी रेखा कौशल रेग्मीलाई सम्मान पत्र दोषल्ला र नगद सहित सम्मान गरेको छ । कार्यक्रममा समाचारमा नैतिकता र लैंगिक संवेदनशिलता विषयमा अन्तरक्रिया समेत सम्पन्न भएको छ । सो बिषयमा कृष्ण जिसीले सहजीकरण गर्नु भएको थियो । कार्यक्रममा प्रेस चौतारीनेपाल जिल्ला शाखा म्याग्दीका अध्यक्ष प्रताप बनिया, प्रेस युनियन म्याग्दीका सभापती राकेश शर्मा, प्रेश सेन्टरका अध्यक्ष कमल खत्री, अग्रज पत्रकार घनश्याम खड्का, पत्रकार धिरन खत्री, अमित बिश्वकर्मा, अमृत बास्कुने लगायतको उपस्थिति रहेको थियो ।
पत्रकार महिलाको गुणात्मक विकास, लेखन शैलीमा तिब्रता र संचारक्षेत्रमा पहुँच बढाउदै महिला अधिकारको आन्दोलनलाई शसक्त बनाउने लक्ष्यका साथ २०७८ सालमा जिल्ला शाखाको रुपमा संचारिका समूह म्याग्दीको स्थापाना भएको हो । महिलाका समस्या महिलाले राम्रो संग देखेका हुन्छन, नियालेका हुन्छन र सोहि अनुसार लेख्न पनि सक्दछन् भन्ने उद्देश्यले म्याग्दी जिल्लामा रहेका विभिन्न संचार संस्थामा कार्यरत महिला पत्रकार, महिला अधिकारकर्मी र सामाजिक अभियन्ताहरुलाई समेत समेटेर संस्थाको शाखा बिस्तार गरिएको अध्यक्ष देवी जिसीले बताउनु भयो ।
कार्यक्रम संचारिका समूह म्याग्दीका अध्यक्ष देवी जिसीको अध्यक्षता, गण्डकी प्रदेशका प्रदेश सभा सदस्य माननीय बिमला गौचनको प्रमुख आतिथ्यता, बेनि नगरपालिकाका उप प्रमुख ज्योति लामिछानेको विशेष आतिथ्यतामा सम्पन्न कार्यक्रममा स्वागत सुमित्रा थजाली र संचालन बिष्णु गौतम सापकोटाले गर्नु भएको थियो । 
