जलजला, जेठ-२०, म्याग्दीको बेनीमा आयोजित गुरगुरे ठेलो प्रतियोगितामा पर्वतका खेलाडी पहिलो दोश्रो र तेश्रो भएका छन । बेनी स्थितखुल्ला मञ्चमा शनिबार भएको गण्डकी प्रदेशस्तरीय परम्परागत खुल्ला ठेलो प्रतियोगितामा पर्वतले तिनवटै पुरस्कार जितेको हो ।
परम्परागत गुरगुरे ठेलो प्रतियोगितामा पर्वतको मोदी गाउपालिकाका किरन विक प्रथम, राजेन्द्र हमाल द्वितीय र जलजला गाउँपालिकाका निशान बोहोरा तृतीय हुनुभएको छ । प्रतियोगिताका प्रथम,द्धितीय र तृतीय भएका खेलाडीहरुले ट्रफी,मेडल र प्रमाणपत्र सहित नगद २५ हजार,१५ हजार र १० हजार रुपियाँ प्राप्त गर्नुभएको छ ।
गण्डकी प्रदेश खेलकुद परिषदको आयोजना र जिल्ला खेलकुद विकास समितिको व्यवस्थापनमा भएको गुरगुरे ठेलो प्रतियोगितामा म्याग्दी, पर्वत र बागलुङका ११ जना खेलाडी सहभागि भएका थिए ।
विजेता खेलाडीहरुलाई बेनी नगरपालिकाका मेयर सुरत केसी, प्रदेश खेलकुद परिषद गण्डकीका सदस्य एवम् प्रतियोगिता संयोजक योगेन्द्र शेरचन र जिल्ला खेलकुद विकास समितिका अध्यक्ष दिनेश केसीले पुरस्कार वितरण गर्नु भएको थियो ।
