देवी जि.सी./बेनी, बैशाख-३०, कालिगण्डकी आमासमुहको अगुवाइमा बेनीको कलिपुल र बसपार्क क्षेत्र सरसफाई गरिएको छ । आज (शनिबार) कालीगण्डकी आमासमूह बेनी तथा वडा ८ का प्रहरी लगायत बसपर्क वरपरका वासिन्दाहरुको सहभागितामा बसपार्क क्षेत्र सरसफाइ गरिएको हो ।
ट्राफिक सप्ताहको अन्तर्गत सो क्षेत्रमा सरसफाई गरिएको कालिगण्डकी आमा समुहका अध्यक्ष रामकुमारी गौचनले बताउनुभयो । आज ट्राफिक सप्ताहको छैठौं दिन रहेको र भोलि सप्ताहको अन्तिम दिन जिल्ला प्रहरी कार्यालय र जिल्ला ट्राफिक प्रहरी कार्यालयको संयुक्त आयोजनामा जिल्ला समन्वय समिति म्याग्दीको सभाहलमा ट्राफिक सप्ताह समापन र सार्वजनिक सुनुवाई कार्यक्रमको आयोजना गरिएको जिल्ला प्रहरी कार्यालय म्याग्दीका प्रमुख प्रहरी नायव उपरीक्षक मदन कुँवरले बताउनुभयो ।
ट्राफिक सप्ताह अन्तर्गत सदरमुकाममा ट्राफिक सचतेना सरसफाई लगायतका विभिन्न कार्यक्रम गरिएको छ ।
