जलजला, फागुन-२०, पर्बतको जलजला गाउँपालिका २ र ३ मा स्थापित सिद्द बाबा युवा क्लवको नवनिर्मित भवनको उद्घाटन गरिएको छ। आज (शनिबार) एक कार्यक्रमका बिच नवनिर्मित भवन र भवन निर्माणकार्यमा सहयोग पुर्याउने सहयोगदातालाई सम्मान गरिएको हो ।
क्लवको नव निर्मित भवनको उद्घाटन गर्दै कार्यक्रमका प्रमुख अतिथि जलजला गाउँपालिकाका अध्यक्ष राजु प्रसाद आचार्यले क्लवले सामाजिक परिबर्तनको लागी गरेको कार्यको प्रशंसा गर्नुभयो । उहाँले सहयोगी र बगरबासी साथै देश बिदेशमा रहनुभएका क्लवका सुभाचिन्तकबाट प्राप्त रकमले गरेको यस्तो कार्य सम्मानयोग्य भएको बताउनुभयो ।
त्यसैगरी कार्यक्रममा विशिष्ट अतिथि वडा नं ३ का अध्यक्ष एकिन्द्र केसीले युवाक्लवले गरेकोकार्य प्रशसनीय भएको बताउदै अव युवालाई देशमै रोक्ने कार्यमा क्लवले पहल गर्नुपर्ने र सरकारले बिशेष योजना ल्याउनु पर्ने बताउनुभयो । वडा नं २ का अध्यक्ष प्रकाश बहादुर क्षेत्रीले क्लवले आफ्नै पहलमा यस्तो कार्य गर्नसक्नु अन्य क्लबहरुका लागी एक सिकाइ भएको बताउनुभयो । उहाले भन्नुभयो क्लबले सामाजमा युवालाई सुसुचित र सचेतिकरणका साथै रोजगारका कार्यमा लगाउनु पर्ने बताउनुभएको थियो ।
कार्यक्रममा सिद्द वावा प्राथमिक विद्यालयका ब्यबस्थापन समितिका अध्यक्ष हिरा बहादुर बरुवाल, क्लवका निबर्तमान अध्यक्ष खगेन्द्र जिसी, क्लवका कानुनी सल्लहकार मुकुन्द शर्मा बैरागी, सल्लाहकार मनिषा श्रेष्ठ पुन लगायतले बोल्नु भएको थियो । क्लवको भवन निर्माणमा आर्थीक भौतिक रुपमा सहयोग पुर्याउनुहुने सम्पुर्ण व्यक्तिलाई सम्मान पत्रद्वारा सम्मान गरिएको छ ।
क्लवका अध्यक्ष जन्गन्नाथ गैरे(जगत) को अध्यक्षता, क्लवका उपाध्यक्ष सुबाश बिकको स्वागत र सचिव किसान विश्वकर्माको संचालनमा सम्पन्न कार्यक्रममा क्लवका तर्फबाट कलाकारहरुले नृत्य समेत प्रस्तुत गरेका थिए ।
