जलजलाको प्रथम राष्ट्रपति रनिङ शिल्डको उपाधि न्यु होराइजनले जित्यो

जलजला, माघ-१६, पर्बतको  जलजला गाउँपालिकाद्वारा आयोजित प्रथम राष्ट्रपति रनिङशिल्ड प्रतियोगिता-२०७९  मा पर्बत बेनी स्थित न्यु होराइजन आवासीय मावि प्रथम भएको छ  । सोमबार मोहनचोकमा सम्पन्न भएको प्रतियोगितामा होराईजनले ९ स्वर्ण,४ रजत र ३ कास्य पदक जित्दै उपाधि हात पार्न सफल भएको हो । प्रतियोगितामा  विद्याज्योती मावि मल्लाजले ७ स्वर्ण,६ रजत र २ कास्यपदक जित्दै द्धितीय र  जनकल्याण माध्यमिक विद्यालय जलजला –८ नाग्लिवाङले ३ स्वर्ण पदक र ७ रजत पदक सहित तृतीय स्थान हासिल गरेको छ ।