म्याग्दी, असोज -१८, म्याग्दीको अन्नपूर्णमा आगलागीमा परी एकजनाको मृत्यु भएको छ मृत्यु हुनेमा अन्नपुर्ण गाउँपालिका-५ पाउदुर निवासी ६७ वर्षीय कालु परियार रहेको जिल्ला प्रहरी कार्यालय म्याग्दीले जनाएको छ । असोज १७ गते बिहान ९:०० बजे कालु परियार नर बहादुर बि.क.को घरमा बसेका थिए। बेलुकाको खाना खाई उनी भान्सा कोठामा सुतिरहेका बेला अचानक आगलागी भएको हो ।
प्राप्त जानकारी अनुसार, आगलागीले ढुङ्गा माटोले बनेको र चित्रोले छाएको उक्त भान्सा कोठा पूर्ण रूपमा जलेर नष्ट भएको छ। भान्सा कोठाभित्रै रहेका कालु परियारको आगोमा परि जलेर मृत्यु भएको हो। घटनाको जानकारी असोज १८ गते बिहान ५:३० बजे प्राप्त भए लगत्तै प्रहरी चौकी शिखधाराबात प्रहरी टोली घटनास्थलमा खटिएको थियो। प्रहरी टोलीले आगो पूर्ण रूपमा नियन्त्रणमा लिएको थियो ।
थप अनुसन्धानका लागि जिल्ला प्रहरी कार्यालय म्याग्दीबाट प्रहरी निरीक्षक राजन रायमाझीको नेतृत्वमा थप प्रहरी टोलीले घटनास्थ,शबको जाँच र मुचुल्का प्रक्रिया पूरा गरी शवलाई पोष्टमार्टमको लागि जिल्ला अस्पताल म्याग्दी पठाइएको जिल्ला प्रहरी कार्यालय म्याग्दीले जनाएको छ । आगलागीको कारण भने अझै पत्ता लाग्न नसकेको र यसबारे आवश्यक अनुसन्धान भइरहेको छ ।
