देवी जि.सी./बेनी, असार-२९, म्याग्दीको बेनीमा राष्ट्रिय मानव अधिकार तथा सामाजिक न्याय मञ्च (मानव अधिकार एलायन्स) को रजत जयन्ति मनाइएको छ । मञ्चको २५ औं स्थापना दिवस को अवसरमा शनिबार अन्तक्रिया गरि मनाएको हो ।
कार्यक्रममा मानव अधिकार एलाईन्सका केन्द्रीय सदस्य एवम् म्याग्दी जिल्ला ईन्चार्ज दिलमाया बिटालुले मानव अधिकार एलाईन्सको संक्षिप्त परिचय सहित म्याग्दी जिल्ला मानव अधिकारका हननका घटनाहरुको तथ्यांकको अबस्था प्रस्तुतीकरण गर्नु भएको थियो ।
त्यसैगरी महिला मानव अधिकार संचालकी रेखा रेग्मीले मानावाधिकरको पक्ष यसका आयामहरू र महिला अधिकारको बारेमा चर्चा गर्नुभएको थियो ।
सहभागीहरुको तर्फबाट थमसरा पुनले कार्यक्रमको ब्यापकता र प्रभावकारिता बढाउन जोड दिनुपर्ने बताउंदै सहभागिता बृद्दि गर्नुपर्ने बताउनुभयो त्यसैगरी उद्योग बाणिज्य संघ जलजला उपशाखाका अध्यक्ष हिरा बहादुर जिसीले मानव अधिकारको अबस्था र यसको कार्यान्वयनमा रहेका अबस्थाबारे प्रश्न सोध्नुभएको थियो ।
मानवअधिकार एलायन्स म्याग्दीकी अध्यक्ष कमला बानियाँ थापाको अध्यक्षतामा सम्पन्न कार्यक्रममा एमाले गण्डकी प्रदेश सदस्य हरीकृष्ण श्रेष्ठको प्रमुख अातिथ्यतामा सम्पन्न कार्यक्रममा एमाले जिल्ला अध्यक्ष बालकृष्ण सुवेदी, एलायन्स पर्वतका जिल्ला सदस्य जीवन मल्ल, एलाइन्सका पुर्व अध्यक्ष घनश्याम खड्का लगाएतले शुभकामना ब्यक्त गर्नुभएको थियो । कार्यक्रममा पार्टीको सचिब र जिल्ला समन्वय समितिका उप प्रमुख दिल कुमारी खत्री समेतको विशेष उपस्थिति रहेको थियो । कार्यक्रमको संचालन एलाइन्सका सचिव तेजकुमारी बनिया (गङ्गा)ले गर्नुभएको थियो ।
अधिकारकर्मी तथा संघ संस्थाको प्रमुख तथा प्रतिनिधिको उपस्थितमा कार्यक्रम सम्पन्न भएको थियो । एलाइन्समा गैह सरकारी सँस्था, युवा क्लव, आमा समूह समेतका संस्थाहरु एलाइन्समा आबद्द रहेका छन ।
