देवी जि.सी./म्याग्दी, बैशाख-१६, म्याग्दीका विद्यार्थीहरुले प्रधानमन्त्रीलाई पत्र लेखेका छन् । म्याग्दीको महेन्द्र रत्न मावि बरंग्जा, दिप शिखा मावि कुहु, प्रकाश मावि बेनी राष्ट्रिय जन जागृति मावि कुहुँ, शिद्द शान्ती मावि हिदिका विद्यार्थीहरुले “मैले चाहेको शिक्षा” विषयमा प्रधानमंत्रीलाइ पत्र लेखेका हुन् । जिल्लाका विभिन्न विद्यालयका २३२ जना विद्यार्थीहरुले लेखेको पत्र बैशाख १४ गते म्याग्दीका प्रमुख जिल्ला अधिकारी लक्ष्मण ढकाल मार्फत प्रधानमन्त्रीलाई बुझाइएको छ ।
शिक्षाका लागी राष्ट्रिय अभियान जिल्ला समिति म्याग्दीको आयोजनामा म्याग्दीका विभिन्न विद्यालयका विद्यार्थीहरुले सो शिर्षकमा पत्र लेखेका हुन् । शिक्षाका लागि विश्वव्यापी कार्य सप्ताह अन्तर्गत उक्त कार्यक्रम गरिएको शिक्षाका लागी राष्ट्रिय अभियान (NCE) म्याग्दीका संयोजक दिलमाया बिटालुले बताउनुभयो ।
विद्यालय र सिकाइ केन्द्रहरूमा अनलाइन शिक्षा, विद्यालयको पाठ्यक्रममा समसामयिक पुनर्विचार तथा परिमार्जन र शिक्षालाई दैनिक जीवनसँग जोड्दै गुणस्तरीय, समावेशी, जीवन उपयोगी शिक्षामा जोड दिइने अभियानले जनाएको छ ।
