बेनी, बैसाख-३, म्याग्दीको नेनी स्थित न्यु वेष्ट पोइन्ट आवासीय माविमा एक दिने गणित विषयक तालिम सम्पन्न भएको छ । न्यु वेष्ट पोइन्ट आवासीय मा.वि.को आयोजना र कन्सेप्ट इन्टरनेशनल एजुकेशनाल सर्भिस प्रा.ली.को प्राबिधिक सहयोगमा जिल्लाका गणित शिक्षकहरुका लागि एक दिने तालिम दिइएको हो ।
तालिममा जिल्लाका सामुदायिक र संस्थागत विद्यालयका २१ जना गणित शिक्षकहरुको सहभागिता रहेको विद्यालयले जनाएको छ । तालिमको सहजीकरण गण्डकी प्रदेश गणित प्रयोगशालाका प्रमुख जयराम कायस्थले गर्नुभएको थियो । तालिममा उहाँले विद्यालयमा आधारभूत र माध्यमिक तहमा गणित विषय पढाउने शिक्षकहरुलाई प्रयोगात्मक परिक्षा र गणित विषय पढाउने सीपलाइ सरलीकृत गर्दै विद्यार्थीलाई रुचि जगाउने गरि पढाउने बारेमा प्रशिक्षण गर्नुभएको थियो ।
गणितलाइ गाह्रो विषय मान्ने र पछिल्लो समयमा अधिकांश विद्यार्थीहरु गणितमा फेल हुने वा कमजोर नतिजा देखिने अबस्था रहेकोले यो तालिम प्रभावकारी रहेको सहभागी विद्यालयका शिक्षकहरुले बताएका छन् ।
