बेनी, माघ-२७, पूर्व प्रधानमन्त्री झलनाथ खनाल आफ्नो पार्टीका जिल्ला अध्यक्ष कृष्ण कुमार विश्वकर्माको परिवारलाई समबेदना प्रकट गर्नु भएको छ । मातृशोकमा रहनुभएका नेकपा (एकिकृत समाजवादी) का जिल्ला अध्यक्ष एवम् युवा संघ नेपालका केन्द्रिय संयोजक कृष्ण कुमार विश्वकर्माको आमाको निधन भएको ७ औं दिनमा माघ २६ गते परिवारलाई समवेदना प्रकट गर्न बेनी आउनुभएको हो । आफ्नो पार्टीका जिल्ला अध्यक्ष एवं प्रभावशाली युवा नेता कृष्ण कुमार विश्वकर्माको परिवारमा परेको मातृ शोकले आफुलाइ मर्माहत तुल्याएको बताउदै यस्ता साहसी, समाजसेवी छोराहरुलाई जन्मदिने आमाको निधनले आफु र आफ्नो पार्टी स्तब्ध भएको बताउंदै स्वर्गीय आमाप्रति भावपूर्ण श्रद्दान्जली प्रकट गर्नुभएको थियो ।
उहाँले सोहि क्रममा संक्षिप्त राजनैतिक प्रसङ्ग जोड्दै अहिलेकोको सरकारलाई खिचडी सरकारको संज्ञा दिनुभएको छ । पुर्व प्रधानमंत्री समेत रहनुभएका नेकपा (एकीकृत समाजवादी) का सम्मानित नेता खनालले वर्तमान खिचडी सरकारले मुलुक र जनताको समस्या समाधान गर्न नसकेको बताउनुभएको हो । सत्तारुढ पार्टीका नेता समेत रहनुभएका खनालले पत्रकार सँग संक्षिप्त कुरागर्दै अहिलेको सरकारको विकल्प खोज्न ढिला भइसकेको प्रतिक्रिया दिनुभएको हो ।
उहाँले यो सरकारले जुन रुपमा मुलुक र जनताको समस्या समाधान नसकेको बताउदै जनताले यो सरकारको विकल्प खोजेका बताउनुभयो । नेता खनलाले विकल्पको आधार तयार नहुँदासम्म वर्तमान सरकारले निरन्तरता पाउने बताउनुभयो । एमाले सहितको कम्युनिष्ट पार्टीको एकता आवश्यकता रहेको उहाँको भनाइ छ। पार्टीको राष्ट्रिय महाधिवेशनले कम्युनिस्ट आन्दोलनलाई व्यापक रुपमा अगाडि बढाउने बताउनुभयो। समाजवादी मोर्चालाई नयाँ ढङ्गले अघि बढाउनुपर्ने आवश्यकता रहेको उहाँले प्रष्ट पार्नुभएको छ। मातृशोकमा रहनुभएका जिल्ला अध्यक्ष विश्वकर्माको घरमा पार्टीले श्रद्धाञ्जली सभाको आयोजना गरेको थियो । नेता खनालका साथमा एकिकृत समाजवादी र युवा संघका नेताहरु पनि समवेदना दिन बेनी आउनुभएको थियो ।
