बेनी, माघ-२३, म्याग्दीको बेनी स्थित वेष्ट प्वाइन्ट मन्टेसरीका विद्यार्थीहरुको स्वास्थ्य परीक्षण गरिएको छ । बेनिको क्याम्पस्चोक स्थित वेष्ट पोइन्ट मंटेसरी (प्रिस्कुल) मा अध्ययन गर्ने १ सय १५ जना विद्यार्थीहरुको आज मंगलबार स्वास्थ्य परिक्षण गरिएको हो । बेनी अस्पताल म्याग्दी र कोर-स्माइल डेन्टल क्लिनिक बेनीको प्राविधिक सहयोगमा विद्यार्थीहरुको स्वास्थ्य परीक्षण गरिएको विद्यालयले जनाएको छ । स्वास्थ्य परिक्षणमा बेनी अस्पतालका डा.सज्जन थापा, डा. अर्जुन के.सी.र हेल्थ असिस्टेन्ट लिमा पुन साथै कोर स्माइल डेन्टल क्लिनिकका सञ्चालक तथा दन्त चिकित्सक डा. मोचन श्रेष्ठले विद्यार्थीहरुको स्वास्थ्य जाँच तथा आवश्यक औषधि वितरण गर्नुभएको थियो ।
स्वास्थ्य परीक्षणमा संलग्न डा. मोचन श्रेष्ठ र डा. सज्जन थापा न्यू वेष्ट प्वाइन्ट आवासीय माध्यमिक विद्यालयबाट एसएलसी / एसईई उत्तीर्ण पूर्व विद्यार्थीहरु रहेको र आफ्नै विद्यरथिहरु यसरी डाक्टर बनेर सेवा लिन पाउदा गौरव लागेको वेष्ट पोइन्ट एजुकेशन फाउन्देसना म्याग्दी प्रा. लीका अध्यक्ष यज्जनलाल शाक्यले बताउनुभयो ।
स्वास्थ्य परीक्षणमा संलग्न डाक्टरहरुका अनुसार कुनैपनि विद्यार्थीहरुमा जटिल खालको स्वास्थ्य समस्या नदेखिएको र उमेर अनुसार शारीरिक बिकास र स्वास्थ्य अबस्था सामान्य रहेको भएपनि केहि विद्यार्थीहरुमा दांतको समस्या र कानमा फोहोर जम्मा हुने समस्या रहेको डाक्टरलाई उद्ग्रित गर्दै मंटेसरी इन्चार्ज थरिमाया पुनले बताउनुभयो । सामान्यतया बालबालिकामा गुलियो (मिठाइ, चकलेट) खान रूचाउने भएकोले दाँतमा समस्या देखिने गरेको बताउनुभयो ।
विद्यालयले हरेक वर्ष मंटेसरीमा अध्ययन गर्ने विद्यार्थीहरुको नियमित स्वास्थ्य परिक्षण गर्दै आएको छ । स्वास्थ्य परीक्षणको वेष्ट प्वाइन्ट एजुकेशन फाउण्डेशनका अध्यक्ष यजनलाल शाक्यले उद्धाटन गर्नुभएको थियो । स्वास्थ्य परिक्षण पश्चात स्वास्थ्यकर्मीहरुलाई मायाको चिनो प्रदान गरिएको विद्यालयले जनाएको छ ।
