बेनी, भदौ-२३, म्याग्दीको बेनी स्थित न्यु वेष्ट पोइन्ट विद्यालयमा गणित विषय शिक्षण सम्बन्धि तालिम शुरु भएको छ । विद्यालयमा मंटेसरी देखि कक्षा १० सम्म गणित विषय पढाउने शिक्षकहरुलाई एक दिने तालीम संचालन भएको हो ।आज (शनिबार ) विद्यालयको सभाहलमा बिहान ८ बजे देखि शुरु भएको तालिम दिउँसो ३ बजे सम्म चल्नेछ ।
तालिममा गणित विषय कसरी पढाउने, किन धेरै विद्यार्थीको गणित प्रति रुची किन हुन्छ? कसरी रुचिकर बनाएर पढाउने? गणित बिषय पढाउदा कसरी प्रविधिको प्रयोगगर्न सकिन्छ लगायतका बिषयमा प्रबिधि मैत्री शिक्षक समाज गण्डकी प्रदेशका उपाध्यक्ष एवं गण्डकी बोर्डिंग स्कुल पोखराका गणित विषयका प्रमुख खडक राज अधिकारीले सहजीकरण गरिरहनु भएको छ ।
कार्यक्रममा सह्हजकर्ता अधिकारीले प्रभावकारी शिक्षण सिकाइको लागी विद्यार्थीको मनोभावना, अशल अभिभाबक लगायातका विषयमा जानाकारी गराउनु भएको छ ।गणित बिषय प्रयोगात्मक र ल्याबमा लगेर उनीहरुलाई सहभागी गराएर पढाउदा प्रभावाकारी हुने बताउनु भयो ।
तालिममा वेष्ट पोइन्ट एजुकेशन फाउन्डेसन म्याग्दी प्रालीका अध्यक्ष यज्जनलाल शाक्यले तालिमको उद्घाटन गर्दै विद्यालयले स्थापना गरेको गणित प्रयोगशाला (Math Lab) को प्रभावकारी उपयोग गर्न समेत जानाकारी गराउनुभयो ।
कार्यक्रममा संस्थापक निर्देशक सुदर्शन कुमार श्रेष्ठ, विद्यालयका प्रिन्सिपल, भाइस- प्रिन्सिपल, तह संयोजक लगायत ४० जना शिक्षकहरुसंगै विद्यर्थिहरु पनि सहभागी रहेका छन । तालिम दिनको ३ बजे सम्म संचालन हुने वेष्ट पोइन्ट मिडिया हबले जनाएको ।
