देवी जि.सी./ जलजला, असार-२१, पर्वतको जलजलामा दलित जनप्रतिनिधि तथा अगुवाहरुको लागि क्षमता अभिबवृद्दी तालिम शुरु भएको छ ।आज बिहिबार देखि शुरु भएको तालिम दुई दिनसम्म संचालन हुने जलजला गाउँपालिका सार्वजनिक सेवा तथा क्षमता विकास समितिले जनाएको छ ।
कार्यक्रममा पालिका भरिका दलित जनप्रतिनिधि तथा अगुवाहरुलाई जातीय भेदभाद तथा छुचावाताको एतिहासिक विकासक्रम अभियान र आन्दोलन, सामाजिक समावेशीकरण, समानता, समता र दलित सहभागिता विषयमा भिम बि.क. दलित समुदायको बिकास तथा न्यायमा पहुचका लागि लागु गरिएका एन तथा कानुनी प्रावधानहरु, राजनीतिक आर्थिक शैक्षिक स्वास्थ्य र सार्वजनिक प्रशासन विषयमा जलजला गाउँपालिकाका प्रमुख प्रशासकीय अधिकृत अर्जुन शर्माले प्रशिक्षण गर्नुहुने छ । कार्यक्रममा गाउँपालिकाका उपाध्यक्ष दिपक आचार्य, वडा नं २ र ३ का अध्यक्ष प्रकाश जि.सी. र एकेन्द्र बहादुर खत्रीको समेत उपस्थिति थियो ।
दुईदिने क्षमता अभिबृद्दी तालिमको उद्घाटन गर्नुहुदै जिल्ला समन्वय समिति पर्वतका प्रमुख विष्णुराम विश्वकर्माले तालिममा सहभागी हुनुभएका सहभागिहरु जननिर्वाचित र अगुवा भएकोले राज्यले प्रदान गरेको अधिकारको प्रयोग गर्न जान्नु पर्ने कुरामा जोड दिनिभयो। साथै उहाँले जुनसुकै कार्यक्रममा उपस्थित हुँदा आफुलाई नमुनाको रुपमा प्रस्तुत गर्न सक्नुपर्ने कुरामा जोड दिनुभयो ।
कार्यक्रममा तालिमका सहजकर्ता भिम बि.क.ले मन्तब्य ब्यक्तगर्दै दलित के हो ? दलितको अबस्था कस्तो छ? भन्ने बारेमा जान्न बुझ्न अति आबश्यक भएको बताउदै धौलागिरि क्षेत्रमा यो पहिलो कार्यक्रम भएकोले जनप्रतिनिधि र दलित अगुवालाई अझै शसक्त बनाउन सहयोग पुग्नेकुरा बताउनुभयो ।
उद्घाटन कार्यक्रम जलजला गाउँपालिका सार्वजनिक सेवा तथा क्षमता विकास समितिका संयोजक एवं गाउँकार्यपालिका सदस्य भीमसेन बराइलीको अध्यक्षता, जिल्ला समन्वय समिति पर्वतका प्रमुख विष्णुराम विश्वकर्माको प्रमुख आतिथ्यता, वडा नं ६ का अध्यक्ष बलबहादुर पुर्जाको स्वागत र प्रशासकीय अधिकृत प्रताप शर्माको संचालनमा सम्पन्न भएको थियो ।
