म्याग्दी, असार-२१, म्याग्दीको राखुमा चोरी गर्ने दुई जनालाई पक्राउ गरिएको छ । जिल्लाको रघुगंगा गाउँपालिका वडा नं २ भगवतीमा मन्दिर र व्यक्तिको घरमा चोरीगर्ने दुई जनालाई प्रहरीले नियन्त्रणमा लिएको हो । पक्राउ पर्नेमा भगवती मैदानका २२ बर्षीय अर्जुन परियार र सोहि स्थानका २० बर्षीय अजित परियार रहेको प्रहरी निरीक्षक एवं सुचना अधिकृत किरण लामाले बताउनुभयो । उनीहरुले मन्दिरमा रहेको दान पेटीबाट र घरमा समेत नियमित छ चोरिगर्दै आइरहेको प्रहरीले जनाएको छ ।
स्थानीयबासीको गुनासो र चोरीमा संलग्नहरुको गतिबिधिका आधारमा प्रहरीले उनीहरुलाई नियन्त्रणमा लिएर ५ दिनको म्याद थप गरेको जनाएको छ । प्रहरीले चोरीमा संलग्न भएकाहरुको बिगतका गतिविधिहरु समेत अनुसन्धान गरिरहेको जनाएको छ ।
