बाग्लुंग, असार-६, बागलुङको काठेखोलामा जीप दुर्घटना हुँदा दुई जनाको मृत्यु भएको छ । गलकोटदेखि बागलुङ बजार आउँदै गरेको ग १ च ९४८५ नम्बरको जीप काठेखोला गाउँपालिका–५ ठुलढुङ्गा भन्ने ठाउमा दुर्घटना भएको हो ।
दुर्घटनामा मृत्यु हुनेको पहिचान नखुलेको जिल्ला प्रहरी कार्यालय बागलुङका सूचना अधिकारी प्रहरी नायव निरीक्षक मदन केसीले जानकारी दिनुभयो ।
जीप मध्यपहाडी लोकमार्गदेखि ५०० मिटर तल खसेको केसीले बताउनुभयो । मृत्यु हुने दुवै दुई जना पुरुष रहेको उहाँको भनाइ छ । घटनास्थलमा प्रहरी र स्थानीयले खोजी एवं उद्धार गरिरहेको बताइएको छ । जिपमा कति यात्रु सवार थिए र भन्ने खुल्न सकेको छैन् ।घटनास्थल सदरमुकाम देखि करिब २० किलोमिटर पश्चिममा रहेको छ ।
