पर्वत, जेठ-१०, अहिले गण्डकी प्रदेशको धेरै स्थानमा वर्षा भैरहेको छ । लुम्बिनी, कर्णाली र सुदूरपश्चिम प्रदेशका केही स्थान र बाँकी प्रदेशका एक–दुई स्थानमा समेत हल्कादेखि मध्यम वर्षा भइरहेको छ।
पश्चिमी न्यूनचापीय प्रणालीका साथै स्थानीय वायुको प्रभावले पानी परिरहेको जल तथा मौसम विज्ञान विभागको मौसम पुर्वानुमान महाशाखाले जनाएको छ। बाँकी भू–भागमा मौसम आंशिकदेखि सामान्य बदली छ। दिउँसोदेशभरको मौसम सामान्य देखि पूर्णतया बदली रहनेछ।
काठमाडौं उपत्यकासहित बागमती, कोशी र गण्डकी प्रदेशको एक–दुई स्थानमा बुधबार भारी वर्षाको समेत सम्भावना रहेको मौसमविद् गोविन्द झाले जानकारी दिए। उनका अनुसार कोशी प्रदेश, मधेश प्रदेश र बागमती प्रदेशका तराईका केही स्थानमा हावा–हुरीको समेत सम्भावना छ। गोरखापत्रबाट
